Descripción

Presentámosvos unha orixinal forma de contar contos, na que ao texto e á imaxe únese ademais a mímica. Quen faga de protagonista ten que apoiar a cabeza na abertura acuñada e ir interpretando -con axuda dos textos- as situacións e aventuras que aparecen nas diferentes escenas debuxadas…

“As Aventuras de Superpapaiaso” está escrito con moito humor e agarimo especialmente para os papás que aínda se cren o “cabeza de familia”. Para animarlles ao cambio, a refugar modelos obsoletos e a dar pasos por novos camiños cara a rumbos máis felices e igualitarios.

Serán capaces de facer autocrítica sen perder o humor?

Calquera pode facer o paiaso! Maiores, peques… E aínda é máis divertido se o facedes en grupo!

Recomendado tamén para o traballo na aula.